میں چاھتا ھوں
میری موت کی خبر سن کر
تجھ پہ عمر بھر کا
سکتہ طاری ھو جائے

بالیں پہ کہیں رات ڈھل رہی ہے
یا شمع پگھل رہی ہے
پہلو میں کوئی چیز جل رہی ہے
تم ہو کہ مری جاں نکل رہی ہے

فیض احمد فیضؔ

ﻣﮕﺮ ﺗﻤﮩﯿﮟ ﮐﯿﺎ "

ﻣﯿﮟ ﺁﮌﮬﮯ ﺗِﺮﭼﮭﮯ ﺧﯿﺎﻝ ﺳﻮﭼﻮﮞ
ﮐﮧ ﺑﮯ ﺍﺭﺍﺩﮦ _______ ﮐﺘﺎﺏ ﻟﮑﮭﻮﮞ

ﮐﻮﺋﯽ ﭼﻨﺎﺳﺎ ﺳﯽ ﻏﺰﻝ ﺗﺮﺍﺷﻮﮞ
ﮐﮧ ﺍﺟﻨﺒﯽ ﺍﻧﺘﺴﺎﺏ ﻟﮑﮭﻮﮞ _____ ،

ﮔﻨﻮﺍ ﺩﻭﮞ ﺍِﮎ ﻋﻤﺮ ﮐﮯ ﺯﻣﺎﻧﮯ
ﮐﮧ ﺍﯾﮏ ﭘﻞ ﮐﺎ ﺣﺴﺎﺏ ﻟﮑﮭﻮﮞ

ﻣﯿﺮﯼ ﻃﺒﯿﻌﺖ ﭘﮧ ﻣﻨﺤﺼﺮ ﮨﮯ
ﻣﯿﮟ ﺟﺲ ﻃﺮﺡ ﮐﺎ ﻧﺼﺎﺏ ﻟﮑﮭﻮﮞ

ﯾﮧ ﻣﯿﺮﮮ ﺍﭘﻨﮯ ﻣﺰﺍﺝ ﭘﮧ ﮨﮯ _____ ،
ﻋﺬﺍﺏ ﺳﻮﭼﻮﮞ ﺛﻮﺍﺏ ﻟﮑﮭﻮﮞ

ﻃﻮﯾﻞ ﺗﺮ ﮨﮯ ﺳﻔﺮ ﺗﻤﮩﯿﮟ ﮐﯿﺎ

ﻋﯿﻦ ﻋﺸﻖ، ﺷﯿﻦ ﻋﺸﻖ، ﻗﺎﻑ ﻋﺸﻖ
ﮐﻮﭼﮧِٔ ﺟﺎﻧﺎﮞ ﮐﺎ ﻃﻮﺍﻑ ﻋﺸﻖ
ﮔﺮ ﻣﻨﺰﻝِ ﻋﯿﻦ ﺷﯿﻦ ﻗﺎﻑ ﭘﮧ ﮨﻮ
ﺍِﮎ ﭘﻞ ﮐﺎ ﺭُﮐﻨﺎ، ﺍﻋﺘﮑﺎﻑ ﻋﺸﻖ
ﻏﺎﻟﺐ ﺟﯿﺴﻮﮞ ﮐﻮ ﻧﮑﻤّﺎ ﮐﺮﺩﯾﺎ
ﮨﺎ، ﻣﯿﻢ ﮐﻮ ﮐﺮﺩﮮ ﻣﻌﺎﻑ ﻋﺸﻖ
ﺣﺪ ﺳﮯ ﺑﮍﮪ ﮐﮯ ﺑﻦ ﺟﺎﺗﺎ ﮨﮯ
ﭘﮭﺮ ﺭﮮ، ﻭﺍﻭٔ ﺍﻭﺭ ﮔﺎﻑ ﻋﺸﻖ
ﮐﻮﺋﯽ ﺳﻮﻟﯽ ﭼﮍﮬﺎ، ﮐﻮﺋﯽ ﮈﻭﺏ ﮔﯿﺎ
ﻣﯿﻢ ﺗﮯ ﺑﮕﮭﺎﺭ ﻻﻑ ، ﻋﺸﻖ
ﮐﯿﻮﻧﮑﺮ ﺣﺪ ﺑﺘﺎﺋﯿﮟ، ﮐﮧ ﮨﮯ
ﻗﺎﻑ ﺗﺎ ﺑﮧ ﻗﺎﻑ ﻋﺸﻖ
ﺩﻝ ﮐﺎ ﻣﻘﺼﺪ ﮐﯿﺎ ﮨﻮﮔﺎ؟
ﮐﮩﺪﻭ ﺻﺎﻑ ﺻﺎﻑ، ﻋﺸﻖ
ﮐﯿﻮﻧﮑﮧ
ﻋﺸﻖ ﻟﻔﻈﻮﮞ ﻣﯿﮟ ﻧﮩﯿﮟ
ﮨﮯ ﺻﺎﻑ ﺻﺎﻑ ﻋﺸﻖ

سُن سانسوں کے سلطان پیا
ترے ہاتھ میں میری جان پیا
میں تیرے بن ویران پیا
تو میرا کُل جہان پیا
مری ہستی، مان، سمان بھی تو
مرا زھد، ذکر، وجدان بھی تو
مرا، کعبہ، تھل، مکران بھی تو
میرے سپنوں کا سلطان بھی تو
کبھی تیر ہوئی، تلوار ہوئی
ترے ہجر میں آ بیمار ہوئی
کب میں تیری سردار ہوئی
میں ضبط کی چیخ پکار ہوئی
میرا لوں لوں تجھے بلائے وے
میری جان وچھوڑا کھائے وے
تیرا ہجر بڑا بے درد سجن
میری جان پہ بن بن آئے وے
تجھے ڈھونڈ تھکی نگری نگری
اب ساری آسیں ٹوٹ گئیں
کبھی میری عرضی مان پیا
میں چپ، گم سم، سنسان پیا
میں ازلوں سے نادان پیا
تو میرا کُل جہان پیا

ﮔﻼﺑﯽ ﺷﺎﻡ ﮐﮯ
ﺑﮍﮬﺘﮯ ﮨﻮﺋﮯ
ﻣﺨﻤﻮﺭ ﺳﺎﺋﮯ ﻣﯿﮟ
ﺗﮭﮑﮯ ﮨﺎﺭﮮ ﭘﺮﻧﺪﮮ ﺑﮭﯽ
ﮔﮭﺮﻭﮞ ﮐﻮ ﻟﻮﭦ ﺁﺗﮯ ﮨﯿﮟ
ﻣﮕﺮ
ﺗﻢ ﮨﯽ ﻧﮩﯿﮟ ﺁﺗﮯ
ﯾﮧ ﻣﯿﺮﯼ ﻣﻨﺘﻈﺮ ﺁﻧﮑﮭﯿﮟ
ﺍُﻓﻖ ﮐﮯ ﭘﺎﺭ ﺗﮑﺘﯽ ﮨﯿﮟ
ﻣﺮﯼ ﺍﻥ ﻧﯿﻢ ﻭﺍ ﺁﻧﮑﮭﻮﮞ ﮐﮯ ﮔﻮﺷﮯ
ﺑﮭﯿﮓ ﺟﺎﺗﮯ ﮨﯿﮟ
ﻣﺮﯼ ﺷﺎﻣﯿﮟ
ﻣﺮﯼ ﺭﺍﺗﯿﮟ
ﺍُﺩﺍﺳﯽ ﺍﻭﮌﮪ ﻟﯿﺘﯽ ﮨﯿﮟ !!!!

تمہارے ساتھ نے جاناں
مجھے 'تخلیق' بخشی تھی
میرے الفاظ کو ترتیب
تخیّل کو بہت سے خواب
-
کہ میں تو کشف سے، پل بھر میں واقف ہو گئی جیسے
میں نے وجدان پایا تھا،
بہت سے رنگ میری سوچ میں یوں بھر گئے تھے کہ... ستارے
پھلجڑی
جگنو
بہاریں، سب لگے پھیکے
-
مگر جب سے گئے ہو تم
مجھے کچھ ایسا لگتا ہے
کہ جیسے دوپہر میں گہن لگ جاتا ہے سورج کو
اچانک رات ہوتی ہے
پرندے سہم جاتے ہیں
کچھ ایسا خود سے کہتے ہیں
"ابھی تو دانہ چگنا تھا"
"ابھی تو گھر بنانا تھا"
"یہ یکدم شام کیوں آئی؟"
-
کسی سہمے ہوئے طائر کی مانند میں بھی بیٹھی ہوں... کہاں جائوں؟؟؟
میں کیا سوچوں؟؟؟
-
تخیّل بانجھ ہو جس کا
بھلا وہ کس طرح سوچے؟؟؟

یہ اہلِ عشق تہی دست ہو گئے کب سے
کہ سال بھر میں فقط ایک دن محبت کا

فقظ ایک دن کہ تقاضہِ التفات کریں
فقط ایک دن کہ نظر سے دلوں کی بات کریں

فقط ایک دن کہ خریدیں محبت کے گُلاب
فقط ایک دن کہ بھیجیں محبت کے پیام

میں اپنے شوقِ فراواں پہ کیوں نہ ناز کروں
وفودِ عشق سَدا مجھ کو سُرخرُو رکھے

میں روز اُسکو محبت کے پھول دیتا ہوں
میں روز سامنے اُسکے قبول لیتا ہوں

کہ مجھ کو تم سے محبت ہے زندگی کی طرح
میرا خُلوص بھی سچا ہے بندگی کی طرح

کہ بندگی کسی ایک دن کا اہتمام نہیں
کہ آرزو کے تسلسل میں صبح شام نہیں

سو کیوں سال گزرنے کا انتظار کریں
سو کیوں گردشِ دوراں پہ انحصار کریں
سو کیوں سانس کے ہونے کا اعتبار کریں

میں روز اُسکو محبت کے پھول دیتا ہوں
میں روز سامنے اُسکے قبول لیتا ہوں

ﺍﺱ ﺷﺨﺺ ﺳﮯ ﻣﯿﺮﺍ ﻓﻘﻂ
ﺍﺗﻨﺎ ﺳﺎ ﺭﺷﺘﮧ ﮨﮯ
ﺍﺳﮯ ﺟﺐ ﺩﺭﺩ ﮨﻮﺗﺎ ﮨﮯ
ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ

چلو آؤ....!

چلو آؤ زمیں کھودیں
اور اس میں اپنے دل بو دیں
کریں سیراب ا س کو آرزؤں کے پسینے سے
کہ ا س بے رنگ جینے سے
نہ تُو خوش ھے نہ مَیں خوش ھوں

"حسن نثار"

وُجود کو
جب مُحبٌت کا وَجدان مِلا
تو شاعری نے جنم لیا۔

اِس کا آھنگ وھی ھے
جو موسیقی کا ھے
کہ جب تک
سارے سُر سَچے نہ لگیں
گلے میں نوُر نہیں اُترتا

دِل کے سب زخم لو نہ دیں تو
حرف میں روشنی نہیں آتی۔

”پروین شاکر“

ایک اُداس شام کے نام

عجیب لوگ ہیں

ہم اہل اعتبار کتنے بد نصیب لوگ ہیں

جو رات جاگنے کی تھی وہ ساری رات
ـــــ خواب دیکھ دیکھ کر گزارتے رہے
جو نام بھولنے کا تھا اُس ایک نام کو
ــــــگلی گلی پُکارتے رہے
جو کھیل جیتنے کا تھا وہ کھیل ہارتے رہے

عجیب لوگ ہیں
ہم اہل اعتبار کتنے بد نصیب لوگ ہیں

کسی سے بھی تو قرضِ آبرو ادا نہیں ہوا
لہولہان ساعتوں کا فیصلہ نہیں ہوا
برس گزرگئے ہیں کوئی معجزہ نہیں ہوا
وہ جل بجھا کہ آگ جس کے شعلہ نفس میں تھی
وہ تیر کھا گیا کمان جس کی دسترس میں تھی
سپاہِ مہر کا فصیل شب کو انتظار ہے
کب آئے گا وہ شخص جس کا سب کو انتظار ہے

ہم اہلِ انتظار کتنے بد نصیب لوگ ہیں
عجیب لوگ ہیں
ہم اہل اعتبار کتنے بد نصیب لوگ ہیں

"افتخار عارف"

نشے میں ڈُوب گیا مَیں ، فضا ھی ایسی تھی
دیارِ حُسن کی آب و ھوا ھی ایسی تھی ۔۔۔۔ !!!

نہال کر دیا پلکوں کی اوٹ سے مجھ کو
نگاہِ یار ! تری کم نگاھی ایسی تھی !!

ھماری پُوری گواھی بھی معتبر نہ رھی ۔۔۔ !!
کسی حسِین کی آدھی گواھی ایسی تھی

بدن کی شاخ پہ ایک آدھ پھُول بھی نہ رھا
ھوائے موسمِ ھجراں بلا ھی ایسی تھی !

اُٹھی نہیں مری آنکھیں مگر جھکی بھی نہیں
برھنگی کے بدن پر قبا ھی ایسی تھی ۔۔۔۔ !!!

مرے ھی اِذن سے چلتی تھیں دھڑکنیں اُس کی
کسی کے دِل پہ مری بادشاھی ایسی تھی ۔۔۔ !!

مرا گناہ نہیں ڈگمگانا ایماں کا ۔۔۔۔۔۔ !!!
خُدا گواہ ! وہ کافر ادا ھی ایسی تھی

محل میں جھُوم اُٹھیں شاھزادیاں ساری !
گدا ھی ایسا تھا اور اِلتجا ھی ایسی تھی

بُرا سلوک سہا اور ترا بھلا چاھا ۔۔۔۔۔۔۔۔۔۔۔۔۔۔۔۔ !!!
ھمارے دِل میں تری خیر خواھی ایسی تھی

خُدا کسی کو نہیں ایسا ناخُدا دیتا ۔۔۔ !!!!!
ھماری ناوٗ میں خلقِ خُدا ھی ایسی تھی

فُرات و نیل کے پانی سے بھی نہ دُھل پائی
منافقوں کے دِلوں پر سیاھی ایسی تھی !!

ھر اِک مکان کا دروازہ کھُل گیا فارس ۔۔۔۔۔ !!!!!!!
گلی میں گونجنے والی صدا ھی ایسی تھی

"رحمان فارس"

ﺧﺰﺍﮞ ﮐﮯ ﻣﻮﺳﻢ ﮐﯽ ﺳﺮﺩ ﺷﺎﻣﯿﮟ ۔۔۔۔ !!
ﺳﺮﺍﺏ ﯾﺎﺩﻭﮞ ﮐﮯ ۔۔۔۔۔۔۔۔۔۔۔۔۔۔ ﮨﺎﺗﮫ ﺗﮭﺎ ﻣﯿﮟ !!
ﮐﺒﮭﯽ۔۔۔۔۔۔۔۔ ﺟﻮ ﺗﻢ ﺳﮯ ﺣﺴﺎﺏ ﻣﺎﻧﮕﯿﮟ !!
ﻣﺎﯾﻮﺳﯿﻮﮞ ﮐﮯ ۔۔۔۔۔۔۔۔۔ــ۔۔۔۔ ﻧﺼﺎﺏ ﻣﺎﻧﮕﯿﮟ !!!
ﺑﮯ ﻧﻮﺭ ﺁﻧﮑﮭﻮﮞ ﺳﮯ ۔۔۔۔۔۔۔ ﺧﻮﺍﺏ ﻣﺎﻧﮕﯿﮟ !!
ﺗﻮ ۔۔۔۔۔۔ ﺟﺎﻥ ﻟﯿﻨﺎ کہ ۔۔۔۔۔ ﺧﻮﺍﺏ ﺳﺎﺭﮮ ۔۔۔۔۔۔
ﻣﯿﺮﯼ ﺣﺪﻭﮞ ﺳﮯ ۔۔۔۔۔۔۔ ﻧﮑﻞ ﭼﮑﮯ ﮨﯿﮟ !!!
ﺗﻤﮩﺎﺭﯼ ﭼﻮﮐﮭﭧ ﭘﮧ ۔۔۔۔۔۔۔۔۔۔۔۔۔ ﺁ ﺭُﮐﮯ ﮨﯿﮟ !!!
ﻣﺴﺎﻓﺘﻮﮞ ﺳﮯ ۔۔۔۔۔۔۔۔۔۔تھکے ﮨﻮﺋﮯ ﮨﯿﮟ !!
ﻏﺒﺎﺭﺭﺍﮦ ﺳﮯ ۔۔۔۔۔۔۔۔۔۔۔۔ ﺍﭨﮯ ﮨﻮﺋﮯ ھیں !!
ﺗﻤﮩﺎﺭﯼ ﮔﻠﯿﻮﮞ ﻣﯿﮟ ۔۔۔۔۔۔۔ﭼﭗ ﮐﮭﮍﮮ ﮨﯿﮟ !!
ﮐﭽﮫ ﺍﺱ ﻃﺮﺡ ﺳﮯ ۔۔۔۔۔ ڈرے ﮨﻮﺋﮯ ﮨﯿﮟ !!!
ﺳﻮﺍﻟﯽ ﻧﻈﺮﻭﮞ ﺳﮯ ۔۔۔۔۔۔۔۔۔ ﺗﮏ ﺭﮨﮯ ﮨﯿﮟ !
ﺗﻤﮩﺎﺭﯼ ﭼﻮﮐﮭﭧ ﭘﮧ ۔۔۔۔۔ ﺟﺎﻧﮯ ﮐﺐ ﺳﮯ ؟؟
ﺟﺒﯿﮟ ﺟﮭﮑﺎﺋﮯ ﮨﻮﺋﮯ ﮐﮭﮍﮮ ﮨﯿﮟ ۔۔۔۔۔۔۔۔۔۔ !!!

می رقصم

جب اس سے انگ لاگا ہے، تو مجھ کو رنگ لاگا ہے
وہ میرے سنگ جاگا ہے، جو خوشبودار می رقصم

نچاتا ہے مجھے تو پاؤں دونوں باندھ کر میرے
مثال ماہی بے آب، موجمدار می رقصم

میری وحشت تو میرے پاؤں ٹکنے نہیں دیتی
سرخانہ، سرمحفل، سربازار می رقصم

کوئی روکے اگر، تو رقص کرنے سے نہیں رکنا
کوئی ٹوکے اگر، تو میں بصد اصرار می رقصم

کنارے پر سجا رکھی ہے اپنی جھونپڑی میں نے
جب آ جاتا ہے وہ، اس پار سے اس پار می رقصم

نچایا عشق میں بلھا کو جیسے تھیا تھیا کر
اس دھج سے بوقت جستجو یار می رقصم

شام

یہ حسین شام اپنی
ابھی جس میں گھل رہی ہے
ترے پیرہن کی خوشبو
ابھی جس میں کھل رہے ہیں
میرے خواب کے شگوفے
ذرا دیر کا ہے منظر!

ذرا دیر میں افق پہ
کھلے گا کوئی ستارہ
تری سمت دیکھ کر وہ
کرے گا کوئی اشارہ
ترے دل کو آئیگا پھر
کسی یاد کا بلاوا
کوئی قصۂ جدائی
کوئی کار نا مکمل
کوئی خواب نا شگفتہ
کوئی بات کہنے والی
کسی اور آدمی سے !

ہمیں چاہیے تھا ملنا
کسی عہد مہرباں میں
کسی خواب کے یقیں میں
کسی اور آسماں میں
کسی اور سر زمیں میں !

پروین شاکر

کتنی پیاسی ھیں یہ بنجر آنکھیں
ابر زادے، انہیں جل تھل کر دے

خوشبو آئی ھے تو لوٹے نہ کبھی
اب ھوا کو بھی کوئی شل کر دے

یا مجھے وصل عطا کر مالک
یا میرا ھجر مکمل کر دے

رقص ..!!

رقص کر رقص ..!!
کہ یہ سوزش - دیرینہ تھمے..!!
معبد -جسم میں خواہش کی بھڑکتی آتش ..!!
ہجر کے سوگ میں روئی ہوئی آنکھوں کی جلن اور چبھن ..!!
پاؤں سے باندھی ہوئی دشت و بیاباں کی مسافت کی تھکن ..!!
کھول ..!!!!
کھول یہ بے سر و سامانی کی گٹھڑی اور دیکھ ..!!
کیسی نایاب تمناؤں کے اجلے موسم ..!!
کاسنی رنگ میں بھیگھے ہوئے خوابوں کے بدن ،
سانس گھٹ جانے سے مرنے لگے ہیں ..!!
سانس لے ..!!
اپنی خود ساختہ تنھائی کے سیلن زدہ اس غار سے باھر آ کر ...!!
دیکھ تو ..!!
خوشبوؤں اور محبّت سے مہکتی ہوئی حیرانی کو ،
عشق کی تازہ فراوانی کو ..!!
جذب کر ،
خوں میں اتار ،
اور اسے روح میں بھر ..!!!
رقص کر ،
رقص ..!!

علی زریون

روشنی تیرے جنم یگ پر ایک نظم

تیری اقلیم محبت میں رکا ہے
اک مسافر بے ارادہ، بے مجال
تجھ کو چھو کر
اصل ہونے کی تمنا میں نڈھال
خواب کے اندر بکھرتے خواب کا زخمی ملال
راکھ پر آنکھیں بناتی
انگلیوں کا بے بصر اندھا کمال
دم بدم رنگت بدلتے موسموں کے درمیاں
پھول کھلتی، دھول ملتی خواہشوں کا اندمال
بے عبادت بے دعا ارض و سما کے روبرو
ایک تابیدہ تیقن کو مجسم دیکھنے کی جستجو
لا حاصلی، کار زیاں، امر محال
رینگتی صدیوں، تھکی عمروں کے بوجھل بوجھ میں
تلملاتے ماہ و سال
گرد آلودہ مسافت ہمسفر مفقود ہے
راستہ بے سمت ہے مسدود ہے
اذن سفر کا کیا سوال
اے مرے عکس جمال
آگہی محدود ہے، تیری ارادت لا زوال
تو ہمیشہ کے لئے ہے، میں ذرا سا لمحہ بھر کا اک خیال
٭٭٭
نصیر احمد ناصر

کھڑکیاں

کھڑکیاں منظر دکھاتی ہیں
دلوں کی ہوں، دماغوں کی کہ آنکھوں کی
وہ باہر کی طرف کھلتی ہوں یا اندر کی جانب
روشنی اس پار کی اس پار لاتی ہیں
کھڑکیاں باتیں بھی کرتی ہیں
لبوں کے قفل ابجد کھولتی ہیں
کھڑکیوں پہ رات جب تاریکیوں کے جال بنتی ہے
تو عمریں درد کی پاتال سے سرگوشیوں میں بولتی ہیں
کھڑکیاں خاموش رہتی ہیں
زباں بندی کے دن، بے داد کی راتیں، ستم کے دور سہتی ہیں
کھڑکیاں صدیوں کے خوابوں کی کہانی ہیں
فصیلوں، آنگنوں، اجڑے مکانوں کی گواہی ہیں
ازل سے وقت کے جبری تسلسل میں
تھکن سے چرچراتے زنگ آلودہ زمانوں کی گواہی ہیں
کھڑکیاں عورت کا دل رکھتی ہیں
خوشبو، دھوپ، بارش، چاند کی کرنیں
ہوا کے ایک جھونکے سے
بدن کے موسموں پر کھول دیتی ہیں
اڑا کر کاغذی پیکر
انوکھی خواہشوں میں زندگی کو رول دیتی ہیں
کھڑکیوں کے سامنے جب تتلیاں پرواز کرتی ہیں
تو شیشوں سے لگی آنکھوں میں یادوں کی
دوپہریں بھیگ جاتی ہیں
سفید و سرخ پھولوں سے لدی بیلیں
انہیں جب ڈھانپ لیتی ہیں
تو شامیں خوبصورت اجنبی لوگوں کا رستہ دیکھتی ہیں
مٹھیوں میں جگنوؤں کا لمس بھرتی ہیں
کھڑکیاں اکثر کھلی رہنے کی ضد کرتی ہیں
نیلا آسماں، بادل، پرندے، دیکھ کر حیران ہوتی ہیں
ہمیشہ بند رکھنے سے
انہیں کمروں کی، دیواروں کی سانسیں ٹوٹنے کا خوف رہتا ہے
مکینوں کے چلے جانے پہ ڈرتی ہیں
انہیں بھی زندگی ویران لگتی ہے، اداسی کاٹنے کو دوڑتی ہے
کھڑکیاں انسان ہوتی ہیں
٭٭٭
نصیر احمد ناصر