پرندے
پرندے وقت کا سب سے جُدا پیمانہ رکھتے ہیں
درختوں میں ہوا کی سر سراہٹ
دُھوپ میں سائے کی آہٹ سے
گزرتے وقت کا اندازہ کرتے ہیں
مہکتی ، مُسکراتی ساعتوں ، سرگوشیوں ، خاموش آوازوں کو
یہ ہمراز کرتے ہیں
قفس میں ، جال میں زندہ نہیں رہتے
وہ ماہ و سال میں زندہ نہیں رہتے
پرندے
آتے جاتے موسموں کے بیچ
لمحوں کی طرح
پرواز کرتے ہیں
درختوں میں ہوا کی سر سراہٹ
دُھوپ میں سائے کی آہٹ سے
گزرتے وقت کا اندازہ کرتے ہیں
مہکتی ، مُسکراتی ساعتوں ، سرگوشیوں ، خاموش آوازوں کو
یہ ہمراز کرتے ہیں
قفس میں ، جال میں زندہ نہیں رہتے
وہ ماہ و سال میں زندہ نہیں رہتے
پرندے
آتے جاتے موسموں کے بیچ
لمحوں کی طرح
پرواز کرتے ہیں
حسن عابدی
No comments:
Post a Comment